the interrogations of shamshouma

Archive for the category “Syria”

كاجو


“بدِك كاجو؟ تفضلي”

فجأة كيس ملون مليان كاجو صار بوجهي و السرفيس عم يطلع بالمراية ويبتسم بسمة كبيرة. كانت الشمس رائعة

 “يلا كلي..ما تكوني بخيلة”

استحيت منه، اول مرة حدن بقل لي اني بخيلة لاني ما شاركته اكلاته، بس اذا بتفكري فيها، كثير شي بخيل انك ترفضي تاكلي مع حدن عم يعزمك فأكلت كاجو

 “كثير منيح الكاجو للصحة، كثير منيح.. انا باكل شي كيسين بالنهار! هاها ها  “

كان ناصح كثير السرفيس، شاب من عمري و ضحكته بتسوى الدني كلها فصرنا نضحك ونحكي عن الكاجو والشمس ونضحك على اشيا سخيفة. يا ريت يطوّل ليوصلني على البيت، يعمل لي كزدورة..

“امي دايما بتقل لي لازم آكل منيح بس شغلي هيك! وانا بحب لقوش كثير..مش منيح لصحتي وما بحب زعّل امي، الأم اهم شي بالحياة، ما فيه مثل الأم، ما فيه مثل هيك حب “

“معك حق!”

الشمس في كل مكان وعالم عم تمشي على مهلها، شو هالنهار الحلو، شو هالسما الزرقا

 “:وفجأة

  ما انا..ما انا عذبوني بسوريا..انا سوري بس عايش بلبنان ، رحت مرّة على سوريا، قلت ما حيصير لي شي، وقفوني وحجزوني. وربطولي عيوني وصاروا يضربوني و يعذبوني ويربطوني من ايديّ. قالوا انو انا مع المعارضة، قلت لهم انا قاعد بلبنان، قالوا لي اعترف انك مع المستقبل”.

كل الوقت عم يضحك هوي و عم يحكي

صاروا يحطوني بدولاب..اهين شي صار معي الدولاب، بتعرفيه للدولاب؟ هههههه . بعدين حبسوني وصرت اسمع عالم عم تتعذب كل يوم بالحبس و انا صرت اكل قتلة كل يوم لحد ما قلت لهم شو بدهم يسمعوه، انه انا مع المستقبل و انه انا عندي دبابة و مخبى سلاح..سألني مرة: شو لونه للسلاح؟ قلت له ازرق فاكلتها قتلة هههههه شو بعرفني شو لونه للسلاح انا؟

“ليش عم خبرك انا هيدا الشي؟ عشان أمي. أمي برمت كل سجون سوريا عم تفتش عني، و ما كانوا يقولولها ويني. مرة اجت على الحبس يللي انا فيه و كذبوا عليها وقالولها اني ما كنت هونيك. ما خلت حدن ما حكيت معه. اصعب شي بكل هالشي، هي انه هيدا يصير مع امي. بعدين بالغلط طلعت من الحبس بعد 6 اشهر..صار فيه صفقة مع المعارضة و طلعت، ضليت بالتخت ما قدران احكي مع حدن، لولا امي ما كنت صرت منيح ههههه

ابتسامته من احلى ابتسامات شايفتها بحياتي

انا ليش خبرتك كل هالشي؟ شو عملتِ فيني لخبرك كل هيدا الشي؟ “

“يمكن كنت انت حابب تحكي..ويمكن لاننا اكلنا كاجو سوا”

“ايه يمكن (يبتسم) والله ما فيه احلى من الأم بهالحياة”

كانت الشمس فايتة بكل شي،حتى بحكايات التعذيب و الضرب

Advertisements

Post Navigation

smitten kitchen

Fearless cooking from a tiny NYC kitchen.

On Paper

Making the most out of old paper

Exploring the history of prisoner health

Prisoners, Medical Care and Entitlement to Health in England and Ireland, 1850-2000

Qawem.

yasmeen mobayed

qawem

سياسية ، دينية ، ثقافية ، اجتماعية

Radical Faggot

Black Knowledge Queer Justice

Disclosed Reflections

Thoughts on the queer movement in Lebanon

theamazinsardine

Memoirs of an asshole immigrant in the land of Kanedia

La Universidad Desconocida

English translations of Roberto Bolaño's poetry

a paper bird

Un pajaro de papel en el pecho / Dice que el tiempo de los besos no ha llegado

Mobilizing Ideas

Activists and Scholars Debate Social Movements and Social Change

%d bloggers like this: